يا الدفع.. يا الحجز !

أنا رحت ازور قبر المرحوم ...... جدى اللى مات من ستين عام

لقيت هناك واحد واقف .......... فرميت عليه بصراحه سلام

وسألته مين انت؟ فقاللى: ....... مـأمور ضرئب بعمل حصر

وبـــجد من ورثة جـــــدك ...... عايزين ضرايب على دا القبر

من كام سنة هنا فيه ساكن؟ ..... والقبـــر دا واسع وغــويط

عن كل سنه تدفـــعوا فــوراً ....... تسعين جنيه و بدون تقسيط

يا اما حـاحـجـز على قـبـره ....... لو ملك او لو مــــتــــأجــــر

وبكـرة او بــعـده يجـــيلكم .......... الحـجز دا على ايد(مُحضر)

فــــقلت له ريح نفــــسك ........ لو حـــــــد منا يموت الآن

على كوم زباله راح نرميه ........ و القبر مش عايزينه كمان