السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صلي الله علية وسلم
اخر رمضان في حياتك
كنت عاوز احكلكوا عن قصة شاب دة كان عايش مع والدتة ووالدتة ماتت وبكي عليها بكاء شديد ومعتش لة حد في الدنيا الا ربنا
ثم صديقة والدتة وكانت بتبعت ابنها الصغير لة بالاكل فطار غداء عشاء بالرغم انها فقيرة
ولاكنها كانت تهتم بهذا الشاب وبيصعب عليها بالرغم من ان لة اخوات بنات بس في الزمن دة
محدش بيسال علي حد الا من رحم ربي المهم الشاب دة ملوش حد هنا فقرر يسافر برة وقرر
يسافر ليبيا وكان محتاج قرشين وكلم الست صديقة والدتة واستلفت لة الفلوس وهو كمان
استلف من هنا ومن هنا من اصحابة لغاية لما جمع قرشين وسافر ليبيا وعلي حد ما اسمع كان
شاب تقي وبيخاف ربنا وشاب متدين وملتزم المهم هو لسة صغير في السن وسافر لية زي كل
الشباب نفسة يكون مستقبلة نفسة يشتغل نفسة يتجوز ويجيب العفش والجهاز والشبكة والمهر
والجهاز زي حلم اي شاب المهم لما سافر اشتغل وفي يوم عمل حادثة وبقوا المصريين هناك
واليبين بيلمولة فلوس علشان يعمل عملية كانت حادثة جامدة جدا وكان محتاج عمليتين
عمل واحدة والتانية كانت محتاجة حوالي خمسة وسبعين الف جنية المهم والدتة قبل ما تموت
كانت كتبت الشقة باسمة فقال لزمايلة مين يساعدني في مصاريف العملية وابيع لة الشقة
وفعلا اشتراها منة واحد من هناك من المصريين وعمل العملية واذا بة يموت
تخيل كان مسافر علشان يشتغل ويجيب فلوس ويتجوز ويكون مستقبلة وفجأة يموت
زي ما يكون رايح لقدرة
بسم الله الرحمن الرحيم اذ يقول وما تدري نفس باي ارض تموت صدق الله العظيم
الي عاوز اقولة انة كان لسة صغير وكلنا كدة فاكرين اننا لسة صغيرين واننا لسة ودامنا بدري
لاكن هل هو هذا الشاب كان يصدق ان رمضان الي فات اخر رمضان في حياتة هل كان يتوقع
ان الايام هتفوت وانة مش هيعيش لرمضان تاني
كلنا بنقول احنا لسة شباب وبكرة لما اكبر التزم والي بتقول هلبس الحجاب لما اتجوز والي والي
المهم بجد يا جماعة حاولوا تعبدوا ربنا سبحانة وتعالي عز وجل في رمضان الجي دة
واي رمضان في حياتك كانة اخر رمضان في حياتك
ارجع بذاكرتك السنة دي وشوف كام واحد من قرايب او اهل او جيران او اصدقاء مات
ومعتلوش رمضان جي يعيشو
ويارب كلنا نكون فهمنا يعني اية معني الدعاء الجميل اللهم بارك لنا في رجب وشعبان وبلغنا رمضان
يارب اكون عرفت اوصل يعني اية تعبد ربنا في رمضان الي جاي كانة اخر رمضان في حياتك
لو كنت بتعمل ختمة واحدة انوي تعمل ختمتين ولو كنت بتعمل اتنين انوي تعمل تلاتة
تخيل انة اخر رمضان في حياتك ونفسك ربنا يرحمك فية وتكون من المعتوقين من النيران
انوي تحافظ علي كل الصلوات في المسجد انوي تصلي صلاة القيام وصلاة التهجد
الو تعرف تعمل عمرة اعمل لو تعرف تتصدق تصدق علي اد ما تقدر
انوي رمضان دة انك متابعش مسلسلات ولا مسابقات وانك تخلي الوقت كلة لله تحاول ترضي ربنا علي اد ما تقدر ومتزعلش اوي كل المسلسلات بتتعاد طول السنة بعد رمضان في كل
المحطات انا مليش دعوة حلال ولا حرام انا بس بقول انوي يكون رمضان لله
انوي تعبد ربنا فية كانة اخر رمضان في حياتك لانك بجد مش ضامن تعيش لرمضان الجاي
لو مبتلبسيش الحجاب البسية حتي في رمضان
اي حاجة غلط انوي تبطلها وتبعد عنها وقول هبطلها علشانك يارب
حاول تقرب من ربنا بكل الوسائل وكل الطرق وصل رحمك وبر بوالدك ووالدتك
اعبدوا ربنا في رمضان السنة دي كانة اخر رمضان في حياتك
جزاكم الله كل خير والسلام عليكم ورحمة الله وبركاتة
أرجو تثبيت الموضوع حتى يوم 1/ رمضان