]لوبطلنا نحلم نموت

1-بحلم إن مسجد السمنودي يؤدي دوره الاجتماعي في التواصل مع مشاكل
التقسيم (رصف التقسيم - مشكلة النظافة - توفير مكان مناسب لممارسة الرياضة لأبناء الحي ).
2-بحلم بصندوق تبرعات مقسم لخانات (صيانة دورية للمسجد - الأيتام - تيسير الزواج - زكاة مال............).
3-بحلم إن عدد المصلين في صلاة الفجر = عدد المصلين في صلاة الجمعة .
4-بحلم إن المسجد يكون منارة للتعارف بين سكان الحي . I love you

5-بحلم بدرس أسبوعي من إمام المسجد في الأخلاق والسلوكيات.
6-بحلم إن حلقات تحفيظ القرآن تستمر طوال العام ..
7-بحلم لما أدخل مسجد السمنودي أشم رائحة حلوة (بخور - معطر - ...) بدلا من رائحة الشرابات المركزة جدا جدا جدا !!!!! affraid

8-بحلم بسجاد جديد للمسجد بدلا من السجاد اللي قرب ينطق(( ياعالم ارحموني مش كفاية 10 سنين)) . Mad

9-بحلم أدخل مسجد السمنودي الاقي الابتسامة في وجوه الناس بدلا من الوجوه العبوسة , وأقسم لكم بالله أيها العابثون المقطبون جباهكم (أن الأسنان ليست عورة)!!!!! فابتسموا يرحمكم الله. Very Happy

10-بحلم إن ملحق السيدات يفتح في الخمس صلوات .

تلك عشرة كاملة ومن أراد المزيد فليأتي لمسجده بالفكر الجديد .

يا سلام عليك يا احمد بيه بجد عشرة على عشرة ايه ده بتوصف الجامع وصف دقييق جدا وصحييح شكرا على الموضوع الجميل

ايه بالمناسبه صحييح هوا انتا مين .... .؟ Very Happy

موضوع: why not? الأربعاء يونيو 18, 2008 7:21 pm

بجد احلام توحفة بس عاوزة مشاركة من جميع اهالى التقسيم

اسمحلى يا اخى اعلق على احلامك

اقتباس :

1-بحلم إن مسجد السمنودي يؤدي دوره الاجتماعي في التواصل مع مشاكل التقسيم (رصف اسيم - مشكلة النظافة - توفير مكان مناسب لممارسة الرياضة لأبناء الحي ).

الرصف دا فعلا مشكلة يعنى هم حفروا علشان يوصولوا المواسير طب ارصفوها وخلوكوا جدعان
ومشكلة النضافة هامة جدا يعنى فيها ايه لما يكون قدام كل بيت سلة كبيرة وتيجى العربيات الشيك بتاعة النظافة تلمها من قدام كل بيت ؟
وفكرة هايلة لتوفير مكان مناسب لممارسة الرياضة يعنى ملعب بمعنى اصح والله موش عارفة فيه حتة ورانا كده بقالها قرن فاضية واعتقد بتاعه حكومة

اقتباس :

2-بحلم بصندوق تبرعات مقسم لخانات (صيانة دورية للمسجد - الأيتام - تيسير الزواج - زكاة مال............).

صيانة للمسجد عاوزالها مشرف لوحده او نجيب واحد من بتوع الاوقاف اللى بيقعدوا من 6 لحد 6 الا ربع
صندوق للايتام دا مهم جدا _ وتيسير الزواج بقى صعب اوى اليومين دول بس مسمعتش عن صندوق تبرعات لتيسير الزواج دا , زكاة المال ,,,,قال النبي صلى الله عليه وسلم: "بني الإسلام على خمس: شهادة أن لا إله إلا الله، وأن محمداً رسول الله. وإقام الصلاة، وإيتاء الزكاة، والحج، وصوم رمضان"

اقتباس :

3-بحلم إن عدد المصلين في صلاة الفجر = عدد المصلين في صلاة الجمعة .

دا حلم الجميع ويبقى سهل اوى لو فيه تنظيم للوقت والنيه ورنات على الموبايل ( الموبايلات ما شاء الله مافيش بيت موش بيخلوا من موبايل او حتى منبه صغير )

اقتباس :

4-بحلم إن المسجد يكون منارة للتعارف بين سكان الحي .

i hope

اقتباس :

5-بحلم بدرس أسبوعي من إمام المسجد في الأخلاق والسلوكيات.

موش شرط من امام المسجد ممكن شيخ كويس ودارس فقه تمام

اقتباس :

6-بحلم إن حلقات تحفيظ القرآن تستمر طوال العام ..

دا يبقى تمام اوى بس الدراسة والمزاكرة ساعات بتكون عائق عند بعض الناس

اقتباس :

7-بحلم لما أدخل مسجد السمنودي أشم رائحة حلوة (بخور - معطر - ...) بدلا من رائحة الشرابات المركزة جدا جدا جدا !!!!!

عادى سهلة نكتب على باب الجامع يافطة مكتوب عليها النظافة من الايمان و نحط ازاير معطر كجمب الحتة بتاعه الكتب موش فاكرة مين كده كان قالى حته البرفان دى ( يمكن كنت بحلم )

اقتباس :

8-بحلم بسجاد جديد للمسجد بدلا من السجاد اللي قرب ينطق(( ياعالم ارحموني مش كفاية 10 سنين)) .

هو بقاله 10 سنين

اقتباس :

9-بحلم أدخل مسجد السمنودي الاقي التقلابتسامة في وجوه الناس بدلا من الوجوه العبوسة القمطريرة , وأقسم لكم بالله أيها العابثون المقطبون جباهكم (أن الأسنان ليست عورة)!!!!! فابتسموا يرحمكم الله.

الابتسامة فى وجه اخيك صدقة

اقتباس :

10-بحلم إن ملحق السيدات يفتح في الخمس صلوات .

اه يااااااااااااااااااااااااريييييييييييييييييت هو لازم يكون فى رمضان بس

احلام هايلة يا اخ احمد وكلنا بنحلم بكده هو موش صعب بس عاوز مجهود ومشاركة من الجميع.. يارب يتحقق

طحياتى

,.;' NO COMMENT ';.,

مبالغ شوية

او شويتين

موضوع: رد على احمد بيه الأحد يونيو 22, 2008 6:04 am

السلام عليكم ورحمة الله
والله يا جماعة مش مبالغ ولاحاجة
وهو ميين بيصلى فى الجامع ماهو احنا اللبنصلى واحنا اللى فى التقسيم ونقدر نعمل حملة فى التقسيم على موضوع الصلاه بس المهم نكون احنا الاول محافظين على كل الصلوات فى المسجد يعنى انا مثلا زعلان لانى مقصر فى صلاة الفجر بس انا واثق انكم هاتشجعونى اتغلب على هذه المشكله والله المستعان
الخلاصة ما دمنا عايزيين لا شئ يمكن يمنعنا من تحقيق الاحلام
ودمتم

السلام عليكم ورحمه الله وبركاته
رد بسيط على موضوعك
اه فعلا كلامك مظبوط احنا دلوقتي الناس عارفانا وعارفه احنا ميين وعارفين احنا اللي بنعمله ده بنعمله ليه واحنا لفينا على البيوت كتيير لاسباب مختلفه ولاقينا ناس اتجاوبت معانا كويس وناس قليله اوى اللي رفضوا المساعده بس ... ولو احنا لفينا على البيوت عشان الجامع ممكن ناس تتجاوب معانا

والسلام عليكم ورحمه الله وبركاته وجزاك الله خيرا يا عم جندي الاسلام
اه على فكرة يا جماعه knight of islam معناها جندي الاسلام او جندي في سبيل الاسلام ويا رب دايما .

السلام عليكم ورحمة الله وبركاته

ملحوظة صغننة بس Rolling Eyes

اقتباس :: اه على فكرة يا جماعه knight of islam معناها جندي الاسلام او جندي في سبيل الاسلام ويا رب دايما

knight معناها فارس, soldier معناها جندى bounce

والله اعلم Rolling Eyes

طحياتى

اية الحلاوة دى فعلا بيه بس صعب دة يحصل بس ممكن يحصل Crying or Very sad

كل المصاعب دى ممكنة زى ما احنا انتصرنا فى اكتوبر يعنى فى امل زى ما طردنا اليهود من خيبر حيبقى فى امل بس كل الحاجاات اللى انا قلتها اسهل من اللى انت عاوزه